فرنسيس والحلاق !!

فرنسيس والحلاق !! فرنسيس عم  يقص شعرو عند الحلاق، حب الحلاق يفتح معه حديث فقال:ا شو يا خواجة فرنسيس، وين رح تمضى فرصة الصيف؟ فرنسيس: والله ناوي روح على ايطاليا الحلاق: ايطاليا، وبالصيف، لا يا زلمي في كتير شوب، وعلى أي طيران رايح؟ فرنسيس: على الMEA الحلاق: شو بدك بها الطيران، روح علىAlitalia فرنسيس: يا خيي ما بقى فينا نغير الحلاق: طيب بأي أوتيل رح تنزل هونيك؟ فرنسيس: بالهوليداي إن الحلاق: ما تغلط، هيدا خدمتو مش منيحة، شفلك شي أوتيل أحس شوي فرنسيس: هلق حجزنا وخلصنا الحلاق: طيب شو بدك تعمل هونيك؟ فرنسيس: بدي روح شوف قداسة البابا الحلاق: ولك حدا بروح  عإيطاليا تيشوف البابا! بكرا بنطروك شي 10 ساعات ليخلوك تشوفو فرنسيس: إن شاء الله خير سافر فرنسيس ورجع بعد شهر عند الحلاق فسألو الحلاق: كيف كانت هالسفرة؟ فرنسيس: والله رائعة، جو حلو كتير وبرود، طيران مريح، أوتيل 5 نجوم خدمة ممتازة، وشفت قداسة البابا بدون نطرة... الحلاق: شفت البابا عن جد، شو قلتلو؟ فرنسيس: ولا شي، ركعت قدامو وسكتت   الحلاق: طيب هو شو قلك؟ فرنسيس: قللي... مين هالحمار اللي قاصصلك شعرك!!!